TXANKAKUA | ELGOIBAR
Udalak eta Txankakua merkatarien elkarteak lankidetza hitzarmen berria sinatu dute. Horren bidez, Udalak 25.000 euroko diru-laguntza emango dio herriko elkarteari, «2023an Elgoibarko merkataritza sektorearen prestakuntzarekin, komunikazioarekin, animazioarekin eta sustapenarekin lotutako jarduerak egin ditzan». Laguntza horrekin, Txankakua elkartegintza sustatzen saiatuko da, hiri-merkataritzaren irudi bateratua eta erakargarria sendotzen, bezeroak kanpainen bidez leialtzen eta inguruko udalerrietara gastu ihesik ez egiten.