Oinezkoen mugikortasuna eta merkataritza-jarduera sustatzeko ekimen berria
Hartu kalea!, horrela du izena Hernaniko Udalak eta Berriak merkatari eta ostalari elkarteak martxan jartzea erabaki duten ekimen berriak. Asmoa da formula berri bat probatzea, udalerriko bizilagunak Alde Zaharrera hurbildu daitezen, trakzio mekanikoko ibilgailuek inolako trabarik egin ez dezaten eta tokiko merkataritzaz gozatu ahal izan dezaten. Hilean ostiral batean, urte amaierara arte, goizeko 10.00etatik itxiko zaie Kaskoa autoei eta ekintza bereziak egingo dira.